Ni havas ĉambrojn por 2-3 personoj. Multaj mebloj kaj aranĝado de ĉambroj estas el lignaĵo. Varma kaj malvarma akvo funkcias konstante. Ni havas ankaŭ klimatigilon. Vi povas elekti ĉambron kun necesejo interne aŭ en koridoro. Duŝejoj por 2-3 ĉambroj estas en la koridoro. Je via dispono vi havos kuirejon kun gasforno, fridujo kaj manĝilaro. Ni provizos al vi ankaŭ gladilon. Nia domo havas korton kun subtropika kaj suda plantaro. Nia strato estas nur kun unu eliro, bruo de kajo ne tro ĝenos vin. Ĉe ni regas familia etoso.

    Bansezono daŭras ĉe ni de mezo de majo ĝis mezo de oktobro. Tio ĉi estas varma sezono. Ĝi karakteriziĝas per relative altaj temperaturoj de la aero (tage 25-35 gradoj de Celsius, nokte 20-30 gradoj). Ni rekomendas dum tiu ĉi tempo unutagajn aŭto- kaj piedekskursojn en montaro kaj sur marbordo. Tio pliriĉigos viajn sciojn pri nia urbo, forprenos viajn streĉojn.

   Ĉe ni regas Esperanto-etoso, ĉar ni paroladas esperante. Ni faras Esperanto-kurson por komencantoj kaj progresantoj. Ankau ni faras ekskursojn al dolmenoj, akvofaloj kaj aliaj vidindaĵoj, uzante Esperanton.

    De mezo de la oktobro ĝis mezo de la majo ni havas varmetan sezonon. Mezaj temperaturoj de la plej malvarmaj monatoj januaro kaj februaro estas + 5 gradoj de Celsius. Konstanta neĝa tavolo kuŝas surtere nur je alteco 800 m super marnivelo. Ĝi komencas degeli en marto kaj tiam eblas spekti multdekmetrajn akvofalojn! Dum varmeta periodo ankaŭ eblas fari piediradojn al montaro kaj marbordo. En majo, septembro kaj oktobro estas la plej favora tempo por multtagaj piediradoj - estas nek tro varme, nek malvarme. La itineron de via piedirado vi povus elekti en nia retejo.

   Ni ne altrudas al vi piediradojn, se vi ekdeziros simple ripozi ĉe marbordo.